屋企早餐也邪惡 通粉湯底點煮好？

不要常餐，可以食咩餐？外出吃早餐離不開煎蛋、腸仔、火腿通，不想一早已經高油鹽，愈來愈多人選擇在家吃早餐，但早餐食乜考起不少家庭，單是通粉湯底怎樣煮已是一門學問，有人選擇用清雞湯、忌廉雞湯或大地魚粉等調味，但營養師提醒，高鹽或加工湯底不可取，建議善用晚餐剩餸，幾塊白切雞已可變出健康又好味的手撕雞通粉。

有網友求教，在家簡單煮通粉，用咩湯底好？網友紛獻計，有人用蒜頭爆香蕃茄肉碎加水煮湯；有人稱用清雞湯或忌廉雞湯；亦有人用大地魚粉、用蠔油煮出湯底。

不過註冊營養師潘仕寶坦言，一朝早要開鑊爆蒜等方法太麻煩了，但用清雞湯等則與外出早餐無分別，「一味得個鹽字」，所以善用晚餐餘餸才是快靚正方法。

人體攝入過量的熱量，體內多餘的卡路里會轉化為脂肪，當身體貯存的脂肪愈來愈多，體重久而久之就會上升。如果要維持體重，就要平衡卡路里的攝入量及消耗量。

潘仕寶教路，市民如前一晚進食白切雞，而又吃不完，翌日早上可把吃剩的白切雞肉切絲，與通心粉一同加入熱水煮熟，成一碗充滿雞肉香味的雞絲通粉，配以蔬菜，更可增湯底的菜香味。市民亦可加添香茜、蔥、羅勒葉等天然香料，令湯底更「惹味」。

潘又指，市民如前一晚飲用蕃茄薯仔肉粹湯，可留起部分剩湯及湯渣，於翌日早上翻熱，煮通粉食用，加入粟米粒﹑急凍雜豆等同樣可添湯的鮮甜。

至於日常粉麵店多以大地魚熬湯，故市面有大地魚粉出售，方便市民在家中煮湯粉麵食用，不過潘認為，由於一樽樽的大地魚粉或屬加工食品，當中可能含有其他添加劑及鹽等成分。

潘仕寶提醒，雞粉、雞湯及罐頭湯等大多高鈉，以此煮食通粉可謂「得啖鹽」，市民不宜食用過多。

【其他熱話】熱爆金魚仔餅 「贈送」檐蛇嚇餐死！

【其他熱話】車仔麵致肥陷阱 邊款配料最爆脂？

【其他熱話】日女生食三文魚不適 胃壁鉗出11條活蟲 【有片】